記得留意今晚(8/8)10PM，一夜狼人+狼人殺觀眾投票版Live，Kovis會唔會又再喺鏡頭面前出醜，就靠你哋啦！
4票對4票後，由於皮匠要勝出，只能在投票中單獨被投死，才算勝利，所以今次皮匠及狼同時被投死，算村民勝出！
一夜狼人每個角色嘅玩法/建議策略：
1.搗蛋鬼策略：☝可以用交換角色能力嘅身份發言，多次講大話聲稱自己將有狼人嫌疑嘅玩家同已知好人對調，令狼人以為自己已變好人而良心發現。(Will)
2.皮匠策略：☝用唔小心講大話被發現，令其他玩家估計自己就係狼人(Kovis Mode)，但要小心知道狼人真身嘅爪牙會可能篤爆皮匠身份。其他玩家如果估到你係皮匠，亦好容易估到爪牙真身，再從而估到狼人真身。另外皮匠亦適合扮獵人。
3.爪牙策略：☝Plan A, 最好爪牙就係講大話，話自己係搗蛋鬼，因為搗蛋鬼係好人角色，但唔似強盗咁容易證明自己真身，或者扮獵人，因為又係冇得證明自己身份嘅；✌Plan B, 唔出聲，搵時機令人誤會自己係狼人，扮下其他角色俾人知自己有嫌疑！如果食到隻死貓，就可以用一人之力，帶領狼人隊勝利。
?♀大忌,千萬不要好似包包咁，一味只保護狼人，轉軚太快，因為當你唔小心身份曝光，就會連累狼人！！！
4.狼人策略：?♀大忌：千萬唔好唔出聲，要幫手估狼人，最好最初扮自己係村民，但喺討論過程中如果留意到有咩好人角色牌冇登場，就可以佔用呢個角色，如預言家(Happy仔mode)，但小心呢個佔用角色有風險。☝Plan A, 一開波就話自己係狼人，令玩家怕你係皮匠而唔敢投你?☝Plan B, 堅持自己係村民，喺合適時機互相指對方就係狼人，引領討論方向。
5.強盗/預言家策略: 基本上會係最早肯公開身份嘅玩家，最容易令人信服；但亦有人會神隱角色，直至有狼人講大話佔用閒置角色時先出名踢爆，但呢個玩法有一定危機。
有其他策略/心得，歡迎提供?
